પોલીસ માનપદક / POLICE HONOURS

રાષ્ટ્રપતિ પોલીસ પદક - PRESIDENT POLICE MEDAL --

રાષ્ટ્રના માન્ય પોલીસદળના સદસ્યો પૈકી પોતાની ફરજ દરમ્યાન અસાધારણ શૌર્યતા અને વ્યાવસાયિક નિપુણતાના સર્વોચ્ચ કૌશલ્ય દાખવી જિંદગી અને મિલ્કત બચાવવાની વિશિષ્ટ કામગીરી અથવા ગુનો અટકાવવાની અથવા ગુનેગાર પકડવાની કાર્યવાહી કરનાર, ખાસ વિકટ સંજોગો અને મુશ્કેલ પરિસ્થિતીમાં શૌર્યતા પુર્વક પોલીસ સેવાનું આજ્ઞાપુર્વક સંચાલન કરનારને રાષ્ટ્રપતિ પોલીસ પદક રાષ્ટ્રપતિ દ્ધારા એનાયત છે. સામાનય રીતે એક વર્ષમાં દેશભરમાં કુલ ૪પ થી વધુ પદક એનાયત કરવામાં આવતા નથી. આ પદક સ્વાતંત્ર દિન અને પ્રજાસત્તાક દિનની પુર્વ સંઘ્યાએ (એમ બે રાષ્ટ્રિય પર્વ ) નિમિત્તે એનાયત કરવામાં આવે છે.

પોલીસ મેડલ -- POLICE MEDAL --

રાષ્ટ્રના માન્ય પોલીસદળના સદસ્યો પૈકી પોતાની દિર્ધ સેવાકીય કારકીર્દી દરમ્યાન ફરજ પ્રત્યે સાતત્યપુર્ણ સમર્પણભાવ સાથે પ્રશંસનીય અને વિશિષ્ટ પ્રદાન કરનારને રાષ્ટ્રપતિ દ્ધારા પોલીસ મેડલ એનાયત કરવામાં આવે છે. સામાન્ય રીતે વર્ષ દરમ્યાન દેશભરમાં કુલ ૧૭પ થી વધુ પોલીસ મેડલ એનાયત કરવામાં આવતા નથી. આ પદક પણ સ્વાતંત્રદિન અને પ્રજાસત્તાક દીનની પુર્વસંઘ્યાએ (એમ બે રાષ્ટ્રિય પર્વ ) એનાયત કરવામાં આવે છે.

વડાપ્રધાનનો જીવનરક્ષા પદક -- PRIME MINISTER MEDAL FOR LIFE SAVING --

તમામ રેંન્કના પોલીસ અધિકારી અને કર્મચારીઓમાં જીવનને જોખમરૂપ મુશ્કેલ પરિસ્થિતીમાં સપડાયેલ નિ-સહાય અસરગ્રસ્ત માનવના જીવનને બચાવવા માટે પોતાની તમામ શકિત અને નિષ્ઠા કામે લગાડવાની ભાવનાને પ્રોત્સાહિત કરવાના હેતુથી અન્યના જીવનના બચાવ માટે પોતાના જીવનને પણ જોખમમાં મુકી દ્રષ્ટાંત રૂપ ફરજ નિષ્ઠા સાથે બચાવ કાર્ય કરનાર પોલીસ કર્મચારીને વડાપ્રધાન દ્ધારા આ પદક એનાયત કરવામાં આવે છે.

પોલીસ સ્પેશ્યલ ડયુટી મેડલ -- POLICE (SPECIAL DUTY ) MEDAL --

 રાજય પોલીસ દળ, સેંન્ટ્રલ અનામત પોલીસ દળ અને કેંન્દ્રીય ગુપ્તચર સેવામાં ફરજ બજાવતા અધિકારી અને જવાનો પૈકી અસાધારણ વિષમ સંજોગો અને ભૌગોલિક તેમજ હવામાનની અસહય વિષમતા વચ્ચે પણ ડગ્યા વિના દ્રષ્ટાંતરૂપ સેવા બજાવી ફરજનો નિર્વાહ કરનારને ભારત સરકાર દ્ધારા આ પોલીસ (સ્પેશીયલ ડયુટી મેડલ) એનાયત કરવામાં આવે છે.

હોમ> અમારા વિશે> ચંદ્રક વિજેતાઓ

ભારત સરકાર પોલીસ જવાનોને મેડલથી સન્માનિત કરે છે, જેમાં વડોદરા શહેરના નીચે જણાવેલ પોલીસ અધિકારી/કર્મચારીઓને રાષ્ટ્રપતિ પોલીસ મેડલથી સન્માનિત કરવામાં આવેલ છે.